خواطري وامنياتي ويومياتي

اليوم حسيت انه يوم مختلف عن الايام الثانيه اليوم بعد ما انتهت الحصة الاولى طلعونا في الساحه كانوا يبون يعطونا محاضره (( عن المعاقين او الصعوبه الحركيه )) يعني الي مايعرفون يمشون في البدايه قلت وع وش ذا وش دخلنا فيهم بس لما بدوا يتكلمون انجذبت لهم اول شي تكلمت المديرة وقعدت تخربط خرابيطها المعتاده وبعدها تكلمت المشرفه حقتهم ومن هنا بديت انجذب وبعدها كلمتنا وحده معاقه في رجل وحده وما شاء الله تبارك الله عجبتني تخيلوا متزوجة وعندها 3 عيال ومكمله دراستها لما الجامعه وماخذة مليون الف دبلوم وبكلريوس ومابقت شي الا وقالته وواظح انها وحدة وحدة محترمه وبعدها تكلمت وحده ثانيه ماتمشي ولسانها شوي ثقيل ماكملت دراستها بس تقول انها راح تكملها وهي تكتب كتب وقصص وروايات ......الخ هذي بالذات رحمتها تقول انوه المفروض مايسمونا معاقين الامفروض ........ نسيت بس قالت شي زي ذوي الاحتياجات الخاصة وقالت لازم يكون فيه وعي في المجتمع مو بس من الناحية التعليمية بس حتى النفسيه والمفروض مايربطون الاعاقه بمعنى العجز وبعدها عاد كلمتنا جده عاد هذي خياليه تجنن قعدت تقولنا ان الاعاقه مو في الجسد الاعاقه الحقيقيه : هنا واشرت على مخها يعني قصدها الاعاقه الاحقيقيه في العقل يعني الي يشرب ويسكر والي يدخن وال يبيع مخدرات والي والي والي............................................الخ هذا الي معاق صدق اما الي مايمشي مايسمى اعاقه اذا هو واثق من نفسه وعنده قدرات وطموح والاعاقه ماسببتله اي مشاكل وراضي بقضاء الله وقدره عاد هي قالت كلام وقصص وسوالف وقالت انوه لما يسألوني بناتي وحفيداتي :يمه ليش انتي ما تمشين ؟ تحزبوني ازعل ولا يجي بخاطري اقولهم: اذا ربي ماعطاني بالدنيا بيعطيني انشاء الله بيعطيني بالاخره ويا الله انا كنت بصيح يعني دمعت عيوني والتفت على فتون الحيوانه ابيها تضحق عشان ما اجيب العيد واصيح كنت ابي تضحك عشان اضحك وما عطتني وجه بس تأثرت قلت الحين انا وانا مافيني شي دايم اقول زهقت مليت وع ملل انا مو حلوه انا سمره انا خايسه ...... المفرو احمد ربي اجل هم وش بيقولون صعب عليهم مايقدرون يلعبون ولا يشبكو الاب او الجوال او البلاي ستيشن بالكهرب وانا اقدر ليش اتذمر . الله لايعاقبني بس عاد المشرفه دخلت في راسي فكره تقول احنا عندنا سجل خاص يعني الي ماعندها مانع وعندها القدره انها ترتبط بمعاق تجينا عاد انا فكرت فيها لاتقولون اني توني بزر عادي هههههههههه احس انه حلو وماجورة احسن من اني اتزوج انسان سليم ووسيم لكنه بخيل او مهملني او يسافر ويذبني على اهلي ........الخ ابيه موظف وسليم تلكنه مايمشي يعني بس رجليه مير المعاق بيدلعني وبيحطني في عيونه .... خخخخخخخخخخخخخخ وودي ادرس لغة الاصم